Albania News Agency

Ministri i Jashtëm i Izraelit, Gideon Sa'ar, njoftoi se zhvilloi një takim me Komisioneren e Bashkimit Evropian (BE) për Mesdheun, Dubravka Suica.

Sa'ar tha se u diskutuan zhvillimet në marrëdhëniet Izrael-Marok dhe rezultatet e takimit trepalësh të zhvilluar të mërkurën e kaluar në Nju Jork.

Sa'ar bëri të ditur gjithashtu se i paraqiti Suicas propozimin e tij për avancimin e projekteve të përbashkëta që përfshijnë Izraelin, Marokun dhe Bashkimin Evropian, duke shtuar se u diskutuan edhe zhvillimet në dy projekte humanitare të udhëhequra nga BE-ja në Gaza.

Sa'ar tha se këto projekte përqendrohen në trajtimin e ujërave të zeza dhe asgjësimin e mbetjeve, ndërsa falënderoi Suican për bashkëpunimin.

Sa'ar tha se pret vazhdimin e bashkëpunimit me Suican në kuadër të rolit të saj si Komisionere për Mesdheun.