Albania News Agency

Ministri i Punëve të Jashtme i Zvicrës, Ignazio Cassis, gjatë vizitës së tij në Seul, u takua me Zëvendësministrin e Punëve të Jashtme të Republikës së Koresë (ROK) përgjegjës për Strategjinë dhe Inteligjencën, Jeong Yeondoo.

Ministri Cassis shprehu kënaqësinë për zhvillimin e këtij takimi në Seul përmes një postimi në rrjetet sociale. Gjatë takimit u diskutuan gjerësisht marrëdhëniet dypalëshe mes dy vendeve, çështjet e sigurisë rajonale dhe perspektivat për paqe në Gadishullin Korean.

Duke theksuar se Zvicra i kushton rëndësi të madhe bashkëpunimit të ngushtë me Republikën e Koresë, ministri Cassis rikonfirmoi përkushtimin e vendit të tij ndaj dialogut dhe ruajtjes së stabilitetit rajonal.