Albania News Agency

Presidenti i Finlandës, Alexander Stubb, njoftoi se ka mbërritur në Ankara për të marrë pjesë në Samitin e NATO-s që zhvillohet në kryeqytetin turk.

Në një postim në rrjetet sociale, Stubb falënderoi Presidentin e Republikës së Turqisë, Recep Tayyip Erdoğan, si mikpritës të samitit dhe theksoi se takimi zhvillohet në një periudhë ndryshimesh të rëndësishme në sistemin ndërkombëtar.

Presidenti Stubb bëri të ditur gjithashtu se, përveç programit zyrtar të samitit, do të zhvillojë edhe disa takime dypalëshe. Ai shtoi se bashkëshortja e tij, Suzanne Innes-Stubb, do të marrë pjesë në programin e përgatitur për bashkëshortët e liderëve.