Albania News Agency

U njoftua se Presidenti i Ekuadorit, Daniel Noboa, do të zhvillojë një vizitë zyrtare në Kinë.

Zëdhënësi i Ministrisë së Jashtme të Kinës dha sot informacion lidhur me vizitën në fjalë.

Zëdhënësi kinez theksoi se kjo do të jetë vizita e parë zyrtare e Presidentit ekuadorian Noboa në Kinë. Gjatë vizitës, Presidenti kinez Xi Jinping do të takohet me Noboa, ndërsa Kryeministri kinez Li Qiang dhe Kryetari i Komitetit të Përhershëm të Asamblesë Kombëtare Popullore të Kinës Zhao Leji do të zhvillojnë takime të veçanta me të.

Zëdhënësi kinez vuri në dukje se këtë vit shënohet 10-vjetori i krijimit të partneritetit strategjik gjithëpërfshirës Kinë-Ekuador dhe tha se shpresojnë që vizita të forcojë besimin e ndërsjellë politik dhe miqësinë tradicionale mes dy vendeve, të nxisë zhvillimin e vazhdueshëm të partneritetit strategjik gjithëpërfshirës Kinë-Ekuador dhe të sjellë përfitime për popujt e të dy vendeve.