Albania News Agency

Presidenti i SHBA-së Donald J. Trump u takua me presidentin e Hondurasit Nasry “Tito” Asfura. Gjatë takimit u trajtuan çështje të bashkëpunimit mes dy vendeve.

Trump theksoi se u diskutuan përpjekjet e përbashkëta në fushën e sigurisë, përfshirë luftën kundër karteleve dhe trafikut të drogës, si dhe kundër migracionit të parregullt dhe veprimtarisë së bandave. Gjithashtu u theksua se në axhendë ishin edhe investimet dhe tregtia.

Në deklaratë thuhet se presidenti Asfura është i përqendruar në shëndetësinë, arsimin, mirëqenien dhe zhvillimin ekonomik të popullit të Hondurasit, ndërsa Trump planifikon ta presë sërish Asfurën në SHBA në të ardhmen. Trump e përgëzoi gjithashtu presidentin e Hondurasit për fitoren zgjedhore.