Albania News Agency

Sipas shërbimeve të sigurisë në Moskë, autoritetet në Dubai arrestuan një burrë të dyshuar se kishte qëlluar dhe plagosur një oficer të lartë të shërbimeve ruse të inteligjencës dhe e dorëzuan atë në Rusi.

Deklarata e bërë të dielën erdhi dy ditë pasi një sulmues i armatosur qëlloi tri herë gjeneral-lejtnant Vladimir Alekseyev në shkallët e ndërtesës së banimit të tij në Moskë, duke e plagosur rëndë.

Mediat ruse, duke cituar Shërbimin Federal të Sigurisë (FSB), raportuan se një shtetas rus me emrin Lyubomir Korba, rreth të 60-ave, u arrestua pasi u arratis në Emiratet e Bashkuara Arabe dhe u ekstradua në Rusi.

Pamjet televizive treguan oficerë të maskuar të FSB-së duke zbritur një burrë me sy të lidhur nga një avion i vogël në Rusi, në errësirë. Sipas raportimeve, një bashkëpunëtor i dyshuar u arrestua në Moskë, ndërsa një tjetër u arratis në Ukrainë.