Albania News Agency

Agjencia deklaroi në X: “Mbrojtja e vendit tonë dhe popullit amerikan mbetet fokusi dhe misioni ynë kryesor.”

Kjo masë vjen pasi dy ushtarë të Gardës Kombëtare u plagosën rëndë në një sulm me armë pranë Shtëpisë së Bardhë. Personi i dyshuar si sulmues ishte një shtetas afgan që kishte hyrë në SHBA në shtator 2021.

Presidenti Donald Trump e quajti sulmin “akt terrorist” dhe deklaroi se do të ndërmarrë hapa për të dëbuar “të huajt nga çdo vend që nuk i përket këtu”.

Pas tërheqjes kaotike të SHBA nga Afganistani në vitin 2021 nën administratën e ish-presidentit Joe Biden, dhjetëra mijëra afganë hynë në vend nën programe të veçanta emigracioni.

Disa burime të zbatimit të ligjit i thanë CBS-së se sulmuesi i dyshuar ishte 29-vjeçari Rahmanullah Lakanwal, i cili kishte hyrë në vend në kuadër të programit “Mirësevini Aleatë”.

Trump deklaroi pas sulmit se SHBA duhet “të rishikojë çdo të huaj që ka hyrë nga Afganistani gjatë periudhës së Biden-it”.

Ky vendim i fundit vjen mbi ndalimin e udhëtimit që Trump vendosi më herët këtë vit për shtetasit e Afganistanit dhe të 11 vendeve të tjera.

Afganët me viza të posaçme emigracioni, të cilat u ishin dhënë për punën me ushtrinë amerikane para rikthimit të talebanëve në pushtet në vitin 2021, ishin ndër përjashtimet e pakta.

Më herët këtë vit, Trump gjithashtu ndërpreu një program që ofronte mbrojtje të përkohshme nga dëbimi për mijëra afganë.

Statusi i mbrojtjes së përkohshme u permetonte emigrantëve të merrnin leje pune nëse qeveria amerikane e konsideronte të pasigurt kthimin e tyre për shkak të luftës.