Albania News Agency

Kryeministri i Malit të Zi, Milojko Spajic, komentoi takimin e tij me senatorët amerikanë Jeanne Shaheen dhe Dick Durbin.

Spajic theksoi se Mali i Zi shërben si shembull për vendet e rajonit në zhvillimin ekonomik dhe mbrojtjen e vlerave demokratike, duke deklaruar: “Kjo është mënyra më e mirë për të kapërcyer dallimet dhe për të arritur unitet rreth qëllimeve të përbashkëta.”

Duke iu referuar marrëdhënieve ekonomike dhe politike midis Malit të Zi dhe Shteteve të Bashkuara, Spajic theksoi se Dialogu Ekonomik dhe Marrëveshja Ndërqeveritare (G2G) i kanë forcuar më tej marrëdhëniet tradicionalisht të mira dypalëshe.

Spajic deklaroi: “Ramë dakord se Dialogu Ekonomik dhe Marrëveshja Ndërqeveritare (G2G) i kanë forcuar më tej marrëdhëniet tona tradicionalisht të mira dypalëshe. Mbi bazën e kësaj platforme, mund të ndërtojmë një të ardhme të përbashkët më të mirë dhe më të begatë.”