Albania News Agency

Zëvendëskryeministri dhe ministri i Jashtëm i Italisë, Antonio Tajani, vizitoi San Patrignano, një nga komunitetet terapeutike për rehabilitimin nga varësia ndaj drogës.

Tajani tha se qeveria mbështet këto struktura që kontribuojnë në riintegrimin e njerëzve në jetë. Duke theksuar rëndësinë e rolit të komuniteteve në trajtimin e varësisë ndaj drogës, Tajani mbrojti përdorimin më të gjerë të këtyre qendrave, veçanërisht në procesin e rehabilitimit të personave të varur nga droga në burgje.

Tajani deklaroi se mbështesin qasjen që disa të dënuar të vuajnë dënimin e tyre në qendra rehabilitimi, me qëllim uljen e mbipopullimit të burgjeve të lidhur me krimet që burojnë nga varësia.

Duke theksuar se të rinjtë në San Patrignano dhe komunitete të ngjashme kalojnë nëpër një proces të vështirë rehabilitimi, Tajani nënvizoi rëndësinë e mbështetjes së vazhdueshme të stafit të qendrave gjatë këtij procesi.

Tajani e përfundoi deklaratën e tij me mesazhin: “Ne jemi pranë tyre. Ne jemi në anën e jetës dhe lirisë”.