Albania News Agency

Presidenti i Shteteve të Bashkuara të Amerikës (SHBA), Donald Trump, njoftoi se Drejtori për Çështjet Legjislative, James Braid, do të largohet nga detyra e tij në Shtëpinë e Bardhë në shtator.

Në një postim në rrjetet sociale, Trump deklaroi se Braid kishte luajtur një rol të rëndësishëm në punën me Kongresin dhe kishte kontribuar në një sërë suksesesh të agjendës legjislative të administratës republikane gjatë mandatit të tij.

Ndër kontributet e Braid, Trump përmendi miratimin nga Kongresi të paketës së gjerë legjislative që ai e quan “One Big Beautiful Bill”, epërsinë e republikanëve gjatë dy mbylljeve buxhetore të qeverisë në përballjet me demokratët dhe miratimin e ligjit GENIUS Act.

Trump tha gjithashtu se Braid luajti një rol kyç në bllokimin e një numri rekord nismash për War Powers Resolution dhe në miratimin nga Kongresi të kabinetit të Trump përmes procesit më të shpejtë të konfirmimit në dekada.

Trump vlerësoi gjithashtu Kongresin republikan, duke argumentuar se ai ka qenë dhe do të vazhdojë të jetë Kongresi republikan më i suksesshëm në historinë e SHBA-së.

Në fund të postimit, Trump falënderoi James Braid për shërbimin e tij ndaj SHBA-së gjatë mandatit.

Trump tha: “James, faleminderit për shërbimin ndaj kombit tonë”.