Albania News Agency

Rreth një muaj më parë, Trump dhe Xi u takuan në Korenë e Jugut dhe diskutuan një sërë çështjesh, përfshirë tregtinë, pushtimin rus të Ukrainës, fentanilin dhe Tajvanin.

Trump shkroi në Truth Social: “Marrëdhëniet tona me Kinën janë jashtëzakonisht të forta!”

Agjencia zyrtare kineze publikoi një deklaratë duke thënë se të dy vendet duhet “të ruajnë vrullin dhe të vazhdojnë të ecin në drejtimin e duhur mbi bazën e barazisë, respektit dhe përfitimit të ndërsjellë”.

Liderët u takuan në tetor në qytetin Busan të Koresë së Jugut dhe më pas ranë dakord për një armëpushim në tarifat doganore. SHBA vendosi të përgjysmojë tarifën 20% që synonte uljen e fluksit të fentanilit.

Tarifat ndaj mallrave kineze vazhdojnë të jenë në fuqi dhe mesatarisht janë pak nën 50%.

Në deklaratën kineze thuhet: “Që nga ajo kohë, marrëdhëniet Kinë-SHBA përgjithësisht kanë ndjekur një kurs të qëndrueshëm dhe pozitiv, gjë që është pritur me kënaqësi nga të dy vendet dhe komuniteti më i gjerë ndërkombëtar.”