Albania News Agency

Trump shkroi në Truth Social: “I thashë Presidentit kinez Xi se SHBA do të lejojë NVIDIA të dërgojë produktet e saj H200 te klientët e miratuar në Kinë dhe vende të tjera, nën kushte që sigurojnë vazhdimin e një Sigurie të fortë Kombëtare.” Ai shtoi se Xi “u përgjigj pozitivisht”.

Lejimi i shitjes së H200 në Kinë ishte një shtysë e madhe për Nvidia dhe CEO-në e saj Jensen Huang, pas vizitës së Huang në Kongres dhe takimit personal me Trump.

Zëdhënësi i Nvidia-s e konfirmoi marrëveshjen, duke e quajtur atë “një ekuilibër të mrekullueshëm dhe të menduar mirë për Amerikën”.

Kjo lëvizje politike erdhi pas javësh debatësh të brendshme mbi sa duhet të zbuteshin kufizimet për çipet dhe nëse shitjet drejt Kinës do të shërbenin interesat amerikane apo do të paraqisnin një rrezik sigurie.

Në një deklaratë për Politico, një zyrtar i Shtëpisë së Bardhë e cilësoi këtë veprim si “një pozicion kompromisi” që mbetet pas përpjekjeve të Nvidia-s për të marrë miratim për çipe më të avancuara.