Albania News Agency

Të dhënat më të fundit për vendet e lira të punës dhe raporti i punësimit për janarin, të planifikuara të publikoheshin këtë javë, u shtynë, duke mos dhënë sinjale të reja për gjendjen e tregut të punës në SHBA. Presidenti i SHBA-së Donald Trump nënshkroi një buxhet prej 1,2 trilionë dollarësh për t’i dhënë fund mbylljes së pjesshme, por financimi i Departamentit të Sigurisë Kombëtare ende nuk është zgjidhur.

Ndërkohë, dollari fitoi vlerë në seancat e fundit pasi Trump emëroi Kevin Warsh si kandidat për kryetar të ri të Rezervës Federale (Fed). Warsh shihet si një kandidat më pak “i butë” (më pak dovish) krahasuar me kandidatë të tjerë. Nga ana tjetër, të dhënat e forta të prodhimit në SHBA zbutën pritshmëritë për ulje të shpejta të normave. Tregjet parashikojnë se Fed mund të ulë normat dy herë këtë vit, me gjasë në qershor dhe tetor.

Në anën tjetër, dollari australian u rrit të mërkurën rreth 0,703 dollarë, duke vazhduar rritjen e seancës së mëparshme të nxitur nga politika më “shtrënguese”, ndërsa një indeks optimist i menaxherëve të blerjeve (PMI) në sektorin e shërbimeve ofroi gjithashtu mbështetje, teksa tregjet presin rritje të mëtejshme të normave.

Banka Qendrore rriti normën bazë të interesit në mbledhjen e shkurtit për herë të parë pas dy vitesh, për shkak të rritjes së fortë ekonomike dhe perspektivës së qëndrueshme të inflacionit. Me hyrjen e bankës qendrore në ciklin e rritjes së normave, investitorët e rritën në 80% gjasën e një rritjeje në maj dhe tani mendojnë se për vitin 2026 po çmohen rreth 40 pikë bazë shtrëngim shtesë.