Albania News Agency

Presidenti i Ukrainës, Volodimir Zelenski, deklaroi se Rumania sot ngriti avionë luftarakë për shkak të pranisë së një droni rus në hapësirën e saj ajrore. Sipas tij, sipas të dhënave të fundit, droni hyri rreth 10 kilometra në territorin rumun dhe qëndroi në hapësirën ajrore të NATO-s për rreth 50 minuta.

Zelenski theksoi gjithashtu se Polonia sot ndërhyri ushtarakisht ndaj kërcënimit të dronëve luftarakë rusë:

“Në fakt, dronët rusë vepruan gjatë gjithë ditës në rajone të ndryshme të Ukrainës, përfshirë edhe ato veriore përgjatë kufirit me Bjellorusinë. Sipas informacioneve paraprake, hapësira ajrore e Bjellorusisë u përdor gjithashtu për hyrje në hapësirën ajrore të Ukrainës në drejtim të Volynit.

Rrugët janë gjithmonë të llogaritura. Kjo nuk mund të jetë rastësi, gabim apo iniciativë e komandantëve të nivelit të ulët. Kjo është një përpjekje e qartë e Rusisë për ta zgjeruar luftën, dhe pikërisht kështu po veprojnë. Në fillim hapa të vegjël, në fund humbje të mëdha.”