Albania News Agency

Sipas CCTV, gjithsej 599 mijë e 300 persona në zonat e rrezikuara u evakuuan për shkak të tajfunit Saudel, i cili goditi provincën Fujian në lindje të Kinës.

Qendra Provinciale për Kontrollin e Përmbytjeve dhe Ndihmën ndaj Thatësirës njoftoi se evakuimet u kryen për shkak të reshjeve të dendura që kanë vazhduar ditët e fundit. Njësitë përkatëse në provincë ndanë 210 milionë juanë (rreth 31 milionë dollarë) për shpëtim emergjent, ndihmë në fatkeqësi dhe punime pas fatkeqësisë.

Ndërsa qendra vazhdon reagimin e Nivelit IV për tajfunin Saudel, ajo ka aktivizuar gjithashtu reagimin emergjent të Nivelit III për kontrollin e përmbytjeve, që është niveli i tretë më i lartë.

Saudel, tajfuni i 18-të i vitit 2026, doli në tokë për herë të tretë të enjten në mëngjes në qarkun Zhangpu të qytetit Zhangzhou, në provincën Fujian. Pas paralajmërimeve për erëra të forta dhe reshje të dendura, dhjetëra mijëra persona u evakuuan.

U raportua se tajfuni preku 128 mijë e 500 persona në 53 qarqe të provincës fqinje Jiangxi dhe se rreth 8 mijë e 700 persona u evakuuan urgjentisht. Autoritetet në Jiangxi aktivizuan të premten në mëngjes reagimin emergjent të Nivelit IV për kontrollin e përmbytjeve.