Albania News Agency

Sipas informacioneve të publikuara nga Shtëpia e Bardhë, Departamenti i Drejtësisë (DOJ) ka ngritur padi për të siguruar qasje në regjistrat e votuesve të një numri shtetesh që kanë refuzuar t'i dorëzojnë ato. Gjithashtu u pretendua se Departamenti i Sigurisë Kombëtare (DHS) ka identifikuar më shumë se 250 mijë emigrantë të parregullt në listat e votuesve në katër shtete të drejtuara nga demokratët.

Në deklaratë thuhet se zyrtarëve zgjedhorë në të 50 shtetet u janë dërguar letra ku u kërkohet që listat e regjistrimit të votuesve të mbahen të sakta dhe të përditësuara, si dhe janë paralajmëruar se në të kundërt mund të përballen me ndjekje penale.

Në deklaratë u bë e ditur gjithashtu se DHS ka nisur një valë të re hetimesh për mashtrim të dyshuar zgjedhor në nëntë shtete përpara zgjedhjeve të ndërmjetme, ndërsa Departamenti i Drejtësisë në vitin 2025 ngriti padi kundër 15 shteteve për të siguruar qasje në regjistrat e votuesve dhe zhvilloi 800 për qind më shumë çështje për mashtrim të dyshuar zgjedhor krahasuar me një vit më parë.