Albania News Agency

Ministri i Punëve të Jashtme, Bashkimit Evropian dhe Bashkëpunimit, Jose Manuel Albares, paraqiti Raportin e Veprimeve të Jashtme para Këshillit të Ministrave, që ka për qëllim të shpjegojë veprimet, objektivat dhe burimet e mobilizuara gjatë vitit 2024.

Ky raport, që është bazuar në Strategjinë e Marrëdhënieve të Jashtme 2021-2024, theksoi rëndësinë e realizimit të angazhimeve të paraqitura përmes katër aksioneve kryesore, dhe tha se Spanja ka forcuar rolin e saj në Evropë duke dhënë mbështetje të gjithanshme për Ukrainën.

Për më tepër, Albares theksoi se Spanja, duke mbrojtur ligjin ndërkombëtar, ka njohur Shtetin e Palestinës më 28 maj 2024 dhe ka udhëhequr qëndrimin evropian për Gazën. Ai shtoi: "Spanja ka një identitet unik që është në përputhje me angazhimet e saj për promovimin e multilateralizmit, përfshirë zgjedhjen në Këshillin e të Drejtave të Njeriut (2025-2027) dhe presidencën vjetore të Komitetit Konsultativ të UNRWA".

Ministria e Punëve të Jashtme gjithashtu riafirmoi angazhimin e saj për të forcua marrëdhëniet bilaterale përmes krijimit të Strategjisë së re Spanjë-Afrikë 2025-2028, organizimin e Samitit Spanjë-Portugali dhe zhvillimin e një Takimi të Lartë me Turqinë, si dhe drejtimin e Sekretariatit të përkohshëm për Samitin Ibero-Amerikan që do të mbahet në vitin 2026.

Albares, lidhur me raportin, theksoi: "Spanja ka një identitet unik, që synon forcimin e kapaciteteve dhe promovimin e bashkëpunimit, dialogut dhe respektit për ligjin ndërkombëtar".