Albania News Agency

Ministrja e Punëve të Jashtme e Kanadasë, Anand, njoftoi se refuzojnë rezultatet e zgjedhjeve për Dumën Shtetërore të zhvilluara nga Rusia më 18-20 shtator në territoret e pushtuara përkohësisht të Ukrainës.

Anand tha se Kanadaja dënon mënyrën se si u zhvilluan zgjedhjet ruse për Dumën Shtetërore të vitit 2026, duke theksuar se zgjedhjet u mbajtën në një mjedis ku ushtrohej presion mbi opozitën politike, mediat e pavarura dhe shoqërinë civile, ndërsa kufizoheshin liritë themelore.

Anand argumentoi se zgjedhjet në Rusi u shoqëruan me censurë të gjerë, frikësim, shtypje të opozitës dhe ndalimin e figurave opozitare, duke shtuar se vëzhguesit zgjedhorë të akredituar nga Organizata për Siguri dhe Bashkëpunim në Evropë nuk ishin ftuar për të monitoruar zgjedhjet.

Anand tha se zgjedhjet e zhvilluara në territoret e pushtuara përkohësisht të Ukrainës janë në kundërshtim me të drejtën ndërkombëtare, duke theksuar se Kanadaja i refuzon këto zgjedhje dhe nuk e njeh përpjekjen e Rusisë për të legjitimuar pushtimin e saj.

Duke përsëritur mbështetjen e Kanadasë për sovranitetin, pavarësinë dhe integritetin territorial të Ukrainës, Anand tha se do të vazhdojnë së bashku me aleatët dhe partnerët të ushtrojnë presion ndaj Rusisë, të mbrojnë Kartën e Kombeve të Bashkuara dhe të drejtën ndërkombëtare dhe të mbështesin Ukrainën në arritjen e një paqeje të drejtë dhe të qëndrueshme.