Albania News Agency

Ministri i Mbrojtjes i Holandës, Ruben Brekelmans, zhvilloi një takim me ministrin e Mbrojtjes të Bosnjës dhe Hercegovinës, Zukan Helez, ku u vlerësuan zhvillimet aktuale në fushën e mbrojtjes dhe sigurisë.

Në deklaratën e tij lidhur me takimin, Brekelmans tha: “Zhvilluam një takim shumë të mirë me ministrin e Mbrojtjes të Bosnjës dhe Hercegovinës, Helez. Diskutuam zhvillimet e sigurisë, misionin EUFOR Althea dhe mënyrat se si mund të forcojmë ushtrinë dhe industrinë”.

Duke vënë në dukje bashkëpunimin mes Holandës dhe Bosnjës dhe Hercegovinës, Brekelmans shtoi: “Holanda dhe Bosnja dhe Hercegovina bashkëpunojnë ngushtë për të ruajtur stabilitetin dhe për të nxitur përparimin”.