Albania News Agency

Presidenti i El Salvadorit, Nayib Bukele, njoftoi se do të dërgojë 100 tonë ndihma humanitare në Kolumbinë e prekur nga tërmeti.

Bukele deklaroi se në këtë fazë qeveria kolumbiane ka kërkuar vetëm materiale humanitare, duke bërë të ditur se ekipet e kërkim-shpëtimit, shëndetësisë dhe shërbimeve të tjera të emergjencës të vendit janë tashmë në terren. Për këtë arsye nuk nevojitet mbështetje shtesë me personel, tha Bukele, duke shtuar: “Vendosëm të dërgojmë 100 tonë ndihma humanitare me dy avionë mallrash”. Ai bëri të ditur se avioni i parë do të niset sonte, ndërsa i dyti nesër, duke theksuar se do të vazhdojnë të ndjekin zhvillimet dhe janë të gatshëm të ofrojnë mbështetje shtesë për Kolumbinë nëse do të jetë e nevojshme.

Bukele përcolli mesazh ngushëllimi dhe solidariteti për familjarët e viktimave të tërmetit, të plagosurit dhe popullin kolumbian.