Albania News Agency

Kryeministri i Kanadasë, Mark Carney, bëri vlerësime për hapat që Kanadaja po ndërmerr në arenën ndërkombëtare gjatë një periudhe trazirash dhe pasigurie.

Duke theksuar se Kanadaja po merr përgjegjësi, Carney deklaroi: “Përballë trazirave dhe pasigurisë, Kanadaja merr përgjegjësi, ndërton koalicione dhe i vë gjërat në zbatim.”

Duke iu referuar punës në kuadër të Kombeve të Bashkuara, Carney deklaroi se po bashkojnë vendet për t'i kthyer parimet e përbashkëta në veprim. Carney gjithashtu tha se po forcojnë masat për mbrojtjen e oqeaneve dhe po çojnë përpara përpjekjet drejt zgjidhjes me dy shtete.