Albania News Agency

Kryeministri kanadez Mark Carney deklaroi se Kanadaja po udhëheq krijimin e një institucioni të ri financiar ndërkombëtar të quajtur Banka e Mbrojtjes, Sigurisë dhe Qëndrueshmërisë.

Sipas Carney-t, kjo bankë do të jetë një institucion "që ndryshon rregullat e lojës", duke mundësuar mobilizimin më të shpejtë të kapitalit privat për financimin e investimeve kolektive në mbrojtje dhe siguri, si dhe përdorimin më efikas të këtyre fondeve.

Carney shtoi se gjatë Samitit të NATO-s të zhvilluar sot, edhe tetë aleatë dhe partnerë të tjerë konfirmuan pjesëmarrjen e tyre në këtë nismë dhe se procesi i krijimit të bankës së re do të ecë përpara falë kësaj mbështetjeje.