Albania News Agency

Presidenti i Këshillit të BE-së, Antonio Costa, bëri vlerësime lidhur me Samitin e dytë BE-Moldavi.

Duke theksuar se samiti po zhvillohet menjëherë para fillimit të negociatave për grupin themelor të kapitujve, Costa tha: “Samiti ynë i dytë BE-Moldavi nuk mund të zhvillohej në një moment më të përshtatshëm, menjëherë pas një pike kthese vërtet historike dhe pak para fillimit të negociatave për grupin themelor.”

Costa theksoi se së bashku me Maia Sandu synojnë të çojnë përpara bashkëpunimin ndërmjet BE-së dhe Moldavisë, duke shtuar: “Sot, së bashku me Presidenten Maia Sandu, do ta thellojmë edhe më tej partneritetin tonë.”