Albania News Agency

Në deklaratën e Departamentit Amerikan të Shtetit thuhet se SHBA do të mbështesë zbatimin me sukses të marrëveshjes historike të nënshkruar midis Qeverisë së Sirisë dhe Forcave Demokratike Siriane.

Në deklaratë theksohet se SHBA do të vazhdojë të punojë në bashkëpunim të ngushtë me të gjitha palët për të lehtësuar një proces integrimi të qetë dhe në kohë, si dhe se kjo marrëveshje do të forcojë unitetin, sovranitetin dhe stabilitetin e Sirisë në dobi të të gjithë popullit të saj.

Gjithashtu thuhet se, në koordinim të ngushtë me partnerët rajonalë, SHBA është e gatshme të sigurojë që ky tranzicion të ecë në mënyrë paqësore dhe efektive për të arritur pajtim dhe prosperitet të qëndrueshëm në të gjithë Lindjen e Mesme. “Shpresojmë për një të ardhme më të ndritur për Sirinë dhe gjithë rajonin”, thuhet në deklaratë.