Albania News Agency

Ministria e Punëve të Jashtme e Ukrainës njoftoi se është shpallur Ditë Zie në qytet për personat që humbën jetën pas sulmit të Rusisë ndaj kryeqytetit Kiev më 20 gusht.

Në një deklaratë të publikuar në llogarinë e ministrisë në rrjetet sociale u tha se deri tani të paktën 16 persona kanë humbur jetën në sulm dhe dhjetëra të tjerë janë plagosur.

Sipas deklaratës, nga sulmet u dëmtuan ndërtesa banimi, objekte industriale, magazina, spitale, automjete, një shkollë dhe një dyqan. U raportua se edhe spitalet u prekën nga sulmet.

Ministria e Punëve të Jashtme e Ukrainës akuzoi Rusinë, duke deklaruar se sulmi kishte në shënjestër infrastrukturën civile dhe civilët.

Në deklaratën e ministrisë u tha se Rusia duhet të mbahet përgjegjëse për sulmin dhe për krimet e tjera të kryera kundër Ukrainës.

Ministria shprehu ngushëllime për viktimat dhe u përcolli ngushëllimet familjeve dhe të afërmve të personave që humbën jetën.