Albania News Agency

Në episodin e ri të së enjtes të “The Tucker Carlson Show”, i publikuar pas vizitës, Carlson shfaqi pamje nga brenda objektet e Katarit që strehojnë refugjatët dhe bëri disa nga deklaratat e tij më të ashpra deri më sot për gjenocidin izraelit në Gaza.

Carlson shprehu gjithashtu shqetësimin e tij për filmimin e refugjatëve që kanë vuajtur shumë. “Nuk deshëm t’ua afronim njerëzve një kamerë të madhe në fytyrë, prandaj xhiruam me iPhone”, tha ai.

Carlson tha se ai dhe ekipi i tij “u detyruan t’i mbajnë lotët” kur panë “pamëshirshmërinë e regjimit të keq izraelit”, të shprehur në plagët e fëmijëve. “Fëmijë me gjymtyrë të këputura, me fytyra të shkatërruara. Krimi i vërtetë është që mbështetësit e kësaj barbarie përpiqen ta justifikojnë”, tha Carlson.

Ish-komentatori i CNN dhe Fox News shtoi se Izraeli “ka qëlluar dhjetëra gazetarë që askush të mos mund të filmojë atë që po ndodh”. Carlson tha gjithashtu se Katari dëshiron të evakuojë dhe të strehojë shumë më tepër palestinezë, por Izraeli “nuk e lejon këtë”.

Ky episod dhe vizita e tij te refugjatët e Gazës u pritën këtë javë me një valë të madhe lavdërimesh në rrjetet sociale, ndërsa Carlson mori edhe disa kritika me pretendimin se është “antisemit”.