Albania News Agency

Administrata Federale e Aviacionit e SHBA-së (FAA) pezulloi nisjet e avionëve nga aeroportet në të gjithë vendin deri në një njoftim të dytë, për shkak të një problemi komunikimi që ka prekur qendrat e kontrollit të trafikut ajror.

Sekretari amerikan i Transportit, Sean Duffy, njoftoi përmes një postimi në rrjetet sociale se FAA kishte marrë vendimin për të pezulluar nisjet e avionëve në të gjitha aeroportet e SHBA-së.

Duffy deklaroi se kishte ndodhur një problem komunikimi që prekte të gjitha qendrat e kontrollit të trafikut ajror dhe bëri të ditur se teknikët e FAA-së po hetonin problemin. Ai shtoi se do të jepeshin informacione të përditësuara mbi zhvillimet.

U bë e ditur se vendimi i FAA-së përfshin të gjitha nisjet e avionëve në vend, ndërsa avionët që ndodhen tashmë në ajër mund të vazhdojnë fluturimet e tyre. Fluturimet ndërkombëtare do të vlerësohen rast pas rasti.