Albania News Agency

Drejtori i Përgjithshëm i OBSH-së, Tedros Adhanom Ghebreyesus, theksoi se mjekësia tradicionale mund të ndihmojë në gjetjen e zgjidhjeve për shumë kërcënime shëndetësore, përfshirë barrën në rritje të sëmundjeve jo-ngjitëse, qasjen e pabarabartë në shërbimet shëndetësore dhe ndryshimet klimatike.

Duke folur për Angazhimin e Delhit, Ghebreyesus tha: “Angazhimi i Delhit do të forcojë provat; do të sigurojë sigurinë, cilësinë dhe besimin publik; do të mbrojë biodiversitetin dhe njohuritë tradicionale; do të përdorë teknologjitë digjitale dhe inovacionet në mënyrë të përgjegjshme; dhe do të integrojë mjekësinë tradicionale të sigurt dhe efektive në sistemet shëndetësore”.

Duke vënë në dukje se këto përparësi janë në qendër të Strategjisë Globale të OBSH-së për Mjekësinë Tradicionale 2025–2034, Ghebreyesus shtoi: “OBSH do të mbështesë vendet që t’i shndërrojnë angazhimet e tyre në politika kombëtare dhe korniza rregullatore, të zhvillojnë kapacitetet dhe të integrojnë mjekësinë tradicionale në mënyrë të përgjegjshme dhe të sigurt në sistemet shëndetësore”.