Albania News Agency

Gjykata deklaroi të martën se Polonia gaboi duke mos e njohur martesën e çiftit pas kthimit të tyre në vend, duke u justifikuar se ligji polak nuk lejon martesat mes personave të së njëjtës gjini.

Gjykata e BE-së tha: “Kjo situatë shkel jo vetëm lirinë e lëvizjes dhe qëndrimit, por edhe të drejtën për respektimin e jetës private dhe familjare.”

Në Poloni, ku shumica e popullsisë është katolike, lufta për barazinë e LGBT+ është përshkruar për vite nga qeveritë si një ideologji e rrezikshme e huaj. Megjithatë qeveria aktuale po punon për një projektligj që synon rregullimin e bashkësive civile, përfshirë edhe partneritetet e të njëjtit seks.

Gjykata Evropiane e të Drejtave të Njeriut dha një vendim të detyrueshëm pas një kërkese nga një gjykatë polake që po shqyrtonte çështjen e dy burrave që kundërshtuan refuzimin e regjistrimit të certifikatës së tyre gjermane të martesës në regjistrat polakë.

Çifti, i cili u martua në vitin 2018 në Berlin, në dokumente u identifikua vetëm me iniciale. Avokati i tyre refuzoi të komentonte vendimin.

Gjykata deklaroi se qytetarët e BE-së kanë lirinë të zhvendosen në shtete të tjera anëtare dhe të jetojnë “një jetë normale familjare” si atje ashtu edhe kur kthehen në vendin e tyre.