Albania News Agency

Ministria e Punëve të Jashtme e Greqisë dënoi sulmet e fundit me mjete ajrore pa pilot (dronë) ndaj anijeve tregtare pranë brigjeve të Bullgarisë.

Në deklaratën e publikuar në llogarinë e ministrisë në rrjetet sociale u tha se sulmet rrezikojnë jetët e njerëzve, kërcënojnë sigurinë detare dhe cenojnë sigurinë e lundrimit në Detin e Zi.

Duke theksuar rëndësinë e respektimit të së drejtës ndërkombëtare, veçanërisht të së drejtës së detit, ministria shprehu solidaritetin e Greqisë me Bullgarinë. Në deklaratë u vlerësua gjithashtu reagimi i shpejtë i ekipeve bullgare të kërkim-shpëtimit dhe u theksua se përgjegjësit për sulmet duhet të japin llogari.