Albania News Agency

Ministri i Jashtëm i Izraelit, Gideon Sa'ar, njoftoi se së bashku me ambasadorin e Shteteve të Bashkuara (SHBA) në Izrael, Mike Huckabee, kanë nënshkruar marrëveshjen për ndarjen e truallit për Ambasadën e përhershme të SHBA-së që do të ndërtohet në Jerusalem.

Sa'ar e cilësoi vendimin e presidentit amerikan Donald Trump për zhvendosjen e ambasadës në Jerusalem si "rivendosje të drejtësisë historike", duke theksuar se ky ishte një nga vendimet më të rëndësishme diplomatike të viteve të fundit.

Sa'ar tha: "Ashtu si Shtetet e Bashkuara janë jetike dhe të pazëvendësueshme për Izraelin, edhe Izraeli është jetik për Shtetet e Bashkuara dhe interesat e tyre në rajon. Trualli në kompleksin El Albi në Jerusalem do t'i ndahet ambasadës për ndërtesën e saj të përhershme në përputhje me vendimin e qeverisë. Ne do të vazhdojmë të forcojmë marrëdhëniet midis vendeve tona."