Albania News Agency

Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas, deklaroi se vendet anëtare të BE-së arritën marrëveshje për kushtet e zhbllokimit të 6,6 miliardë eurove nga Fondi Evropian i Paqes për Ukrainën.

Kallas tha se 900 milionë euro nga fondi do të përdoren për Misionin e Ndihmës Ushtarake të BE-së për Ukrainën, 1 miliard euro për furnizime të reja të përbashkëta me pajisje, ndërsa 4,7 miliardë euro do të përdoren për rimbursimin e vendeve anëtare. Ajo shtoi se disa vende kanë njoftuar se do ta drejtojnë pjesën e tyre për Ukrainën.

Kallas tha se Moska po përpiqet ta frikësojë Evropën përmes sulmeve hibride në mënyrë që ajo të zvogëlojë mbështetjen për Ukrainën, ndërsa Evropa, sipas saj, po vepron në drejtim të rritjes së mbështetjes.