Albania News Agency

Ministria e Jashtme e Katarit dënoi bastisjet e vazhdueshme të kolonëve ndaj Xhamisë Al-Aksa.

Në deklaratën e ministrisë u theksua se bastisja e fundit u krye nën mbrojtjen e forcave pushtuese izraelite dhe veprimet u cilësuan si “shkelje e qartë e së drejtës ndërkombëtare dhe së drejtës ndërkombëtare humanitare”.

Në deklaratë u theksua se Xhamia Al-Aksa është një vend adhurimi ekskluzivisht për myslimanët dhe se hapat e njëanshëm që synojnë ndryshimin e status quo-së historike dhe ligjore në Jerusalem dhe në vendet e shenjta janë të pavlefshëm sipas së drejtës ndërkombëtare.

Ministria e Jashtme e Katarit paralajmëroi se shkeljet mund të rrisin tensionet në rajon dhe i bëri thirrje komunitetit ndërkombëtar të ndalojë shkeljet e Izraelit ndaj popullit palestinez dhe vendeve të shenjta.

Ministria ritheksoi gjithashtu mbështetjen e saj për të drejtën e popullit palestinez për të krijuar një shtet të pavarur brenda kufijve të vitit 1967, me Jerusalemin Lindor si kryeqytet.