Albania News Agency

Kryeministri britanik, Keir Starmer, deklaroi se ka përmbushur premtimin e dhënë gjatë procesit zgjedhor duke vënë në zbatim Ligjin Hillsborough.

Ligji synon të sigurojë që institucionet shtetërore të jenë transparente dhe të përgjegjshme ndaj qytetarëve. Starmer tha: “Si Kryeministër dhashë një premtim; thashë se do të miratoja Ligjin Hillsborough, i cili do ta bënte të pamundur që shteti të fshihej nga populli të cilit duhet t’i shërbejë. Sot, unë po mbaj këtë premtim.”

Ligji u propozua në kujtim të luftës shumëvjeçare për drejtësi të familjeve të viktimave të tragjedisë së Hillsborough në vitin 1989. Rregullorja e re synon të parandalojë shmangien e përgjegjësisë nga shteti në situata të ngjashme.