Albania News Agency

Kryeministri i Malit të Zi, Milojko Spajic, shprehu mirënjohjen e tij ndaj kryeministrit çek Andrej Babis për mikpritjen dhe për mesazhin e tij të qartë se është në interes të përbashkët që Mali i Zi të bashkohet sa më shpejt me familjen evropiane.

Duke folur për hapat në fushën e mbrojtjes dhe ekonomisë ndërmjet dy vendeve, Spajic tha: "Jam veçanërisht i kënaqur me forcimin e bashkëpunimit ekonomik përmes Marrëveshjes së Zbatimit për Furnizimin me Pajisje Ushtarake, e nënshkruar së fundmi, e cila do të mundësojë modernizimin e shpejtë të mbrojtjes në bashkëpunim me një nga industritë kryesore në këtë sektor."