Albania News Agency

Kryeministrja italiane Meloni zhvilloi në Milano një takim të nivelit të lartë me Emirin e Katarit Al Thani. Në takim, përveç zhvillimeve në Lindjen e Mesme, u trajtua edhe rifillimi i procesit të negociatave midis Shteteve të Bashkuara të Amerikës (SHBA) dhe Iranit, si dhe përpjekjet e përbashkëta për stabilitetin e Rripit të Gazës dhe rindërtimin e tij në të ardhmen.

Meloni shprehu se e vlerëson “thellësisht” rolin ndërmjetësues që Doha po e ushtron me vendosmëri në të dyja kontekstet. Në takim u theksua gjithashtu mbështetja e plotë për stabilitetin e Libisë dhe u diskutua çështja e menaxhimit të migracionit. Kryeministrja theksoi “rëndësinë e angazhimit të përbashkët” në luftën kundër migracionit të parregullt dhe trafikimit të qenieve njerëzore.