Albania News Agency

Meloni njoftoi se kishte zhvilluar një bisedë telefonike me Kryeministren e re japoneze Sanae Takaichi.

Ajo theksoi se dëshironte ta uronte për emërimin dhe për faktin që për herë të parë në historinë e Japonisë qeveria drejtohet nga një grua. “Gjatë bisedës konfirmuam dëshirën tonë të përbashkët për të forcuar më tej bashkëpunimin dypalësh, duke filluar nga sektorët ekonomikë, tregtarë, kulturorë, teknologjikë dhe të mbrojtjes,” tha Meloni.

Meloni shtoi se palët ranë dakord të punojnë për një takim vitin e ardhshëm, në kuadër të përgatitjeve për 160-vjetorin e vendosjes së marrëdhënieve diplomatike ndërmjet Italisë dhe Japonisë që do të festohet në vitin 2026.