Albania News Agency

Komisionerja e Bashkimit Evropian për Menaxhimin e Krizave, Hadja Lahbib, njoftoi se një dërgesë e re ndihmash ka mbërritur në rajon në kuadër të solidaritetit të Bashkimit Evropian.

Në deklaratën e saj, Lahbib tha: “Situata humanitare në Liban vazhdon të jetë shqetësuese”, duke theksuar se solidariteti i BE-së vazhdon për të mbështetur grupet më të cenueshme. U bë e ditur se Gjermania ka dërguar 220 mijë maska kirurgjikale, ndërsa Polonia furnizime mjekësore dhe pajisje mbrojtëse personale.

Ndihmat u dorëzuan në Bejrut në kuadër të Mekanizmit të Mbrojtjes Civile të BE-së.