Albania News Agency

Komisioneri i Përgjithshëm i UNRWA-s, Lazzarini, tha se e mirëpret vendimin e Asamblesë së Përgjithshme të OKB-së për zgjatjen e mandatit me tre vjet të tjerë.

Ai theksoi se ky vendim tregon solidaritetin e fortë të njerëzve anembanë botës me refugjatët palestinezë dhe shtoi: “Gjithashtu është dëshmi se komuniteti ndërkombëtar pranon përgjegjësinë e tij për të mbështetur nevojat humanitare dhe zhvillimin e refugjatëve palestinezë derisa të gjendet një zgjidhje e drejtë dhe e qëndrueshme për problemet e tyre shumëvjeçare.”

Lazzarini deklaroi se tani e rëndësishme është që ky vendim të shndërrohet në një angazhim real dhe të sigurohet financim i mjaftueshëm për t’i mundësuar UNRWA-s të përmbushë plotësisht mandatin e saj.