Albania News Agency

Lazzarini bëri të ditur se rreth 42 mijë njerëz në Gaza kanë marrë lëndime që u kanë ndryshuar jetën dhe theksoi se një e katërta e tyre janë fëmijë.

Ai vuri në dukje se Gaza aktualisht ka grupin më të madh të fëmijëve me amputime në historinë moderne dhe tha: “Me kolapsin e sistemit mjekësor gjatë luftës, personat me lëndime të rënda e kanë gjithnjë e më të vështirë të marrin trajtimin dhe rehabilitimin e nevojshëm për të rindërtuar jetën e tyre.”

Lazzarini theksoi se ekipet e UNRWA-s, së bashku me Organizatën Botërore të Shëndetësisë dhe partnerët e tjerë, po punojnë me përkushtim që këta të prekur të mos mbeten pas. Që nga fillimi i luftës, mbi 30 mijë persona me aftësi të kufizuara kanë marrë mbështetje bazike psikosociale dhe mbi 8 mijë prej tyre ndihma teknike dhe shërbime rehabilitimi.