Albania News Agency

Udhëheqësja e partisë së ekstremit të djathtë Bashkimi Kombëtar në Francë, Marine Le Pen, gjatë një fjalimi në Orléans tërhoqi vëmendjen te rëndësia e qytetit në historinë franceze.

Në një postim në rrjetet sociale, Le Pen deklaroi: “Për sa kohë që një popull refuzon të nënshtrohet, asnjë humbje nuk është përfundimtare.” Ajo tha se kanë një projekt bashkues dhe ambicioz për Francën, duke paraqitur objektivat e tyre për të ardhmen e vendit.

Marine Le Pen u shpreh se qyteti u ka lënë francezëve një trashëgimi të rëndësishme të qëndresës dhe shpresës, duke përcjellë mesazhin se humbjet me të cilat përballet një komb nuk nënkuptojnë një disfatë përfundimtare.