Albania News Agency

Presidenti i Francës, Emmanuel Macron, në një postim në rrjetet sociale falënderoi forcat e rendit që gjatë gjithë javës punuan për të mbrojtur rendin republikan.

Macron deklaroi se, pavarësisht kushteve të vështira, shteti i kishte përmbushur plotësisht detyrat e tij. Ai njoftoi gjithashtu se ishte takuar me përfaqësues të sindikatave të nxënësve të shkollave të mesme.

Macron e shprehu mirënjohjen ndaj forcave të rendit me këto fjalë:

“Në emër të të gjithëve, dëshiroj të falënderoj forcat tona të rendit, të cilat u mobilizuan këtë javë për të garantuar rendin republikan kudo. Falë tyre dhe pavarësisht rrethanave të vështira, shteti ishte në krye të detyrës.”

Duke iu referuar kërkesave të të rinjve, Macron tha se gjatë takimit të së premtes me sindikatat e nxënësve të shkollave të mesme kishte dëgjuar pritshmëritë e ligjshme të të rinjve. Ai shtoi: “Kryeministri dhe ministrat do ta vazhdojnë këtë dialog duke filluar nga nesër dhe do të japin përgjigje shumë konkrete.”