Albania News Agency

Presidentja e KE-së, Ursula von der Leyen, tha se gjatë një jave intensive të bisedimeve të paqes ka qenë në kontakt me liderët e Koalicionit të Vullnetarëve.

Duke theksuar se pavarësisht gjithë presioneve, ata mbeten të vendosur në synimin për të siguruar një paqe të drejtë dhe të qëndrueshme për Ukrainën, Leyen tha: “Qëndrueshmëria nënkupton që çdo marrëveshje paqeje nuk duhet të përmbajë farat e konflikteve të ardhshme dhe të mos destabilizojë arkitekturën më të gjerë të sigurisë evropiane.”

Leyen tha gjithashtu se gjatë takimit është diskutuar nevoja për garanci të forta dhe të besueshme të sigurisë, duke shtuar: “Unë i informova liderët për punën tonë për të siguruar financim për Ukrainën për vitet 2026–2027. Propozimet tona janë në tryezë dhe urgjenca është e qartë për të gjithë.”