Albania News Agency

Presidentja e Komisionit Evropian Ursula von der Leyen theksoi se Rusia do të ulet në tryezën e negociatave me qëllim të sinqertë vetëm nëse vihet nën presion.

Leyen njoftoi se kanë paraqitur paketën e 20-të të sanksioneve kundër Rusisë, që përfshin energjinë, shërbimet financiare dhe tregtinë. Ajo shtoi se të ardhurat financiare të Rusisë nga nafta dhe gazi natyror në vitin 2025 kanë rënë me 24% krahasuar me vitin e kaluar, duke arritur nivelin më të ulët që nga viti 2020, dhe vijoi:

“Kjo konfirmon atë që tashmë e dimë: sanksionet tona funksionojnë. U bëj thirrje shteteve anëtare ta miratojnë shpejt këtë paketë të re. Kjo do të dërgojë një mesazh të fortë përpara përvjetorit të zymtë të katërt të kësaj lufte: angazhimi ynë për një Ukrainë të lirë dhe sovrane është i palëkundur.”