Albania News Agency

Pavarësisht ndalimit të udhëtimit dhe kërcënimit të qeverisë së Venezuelës se do ta shpallnin në kërkim nëse udhëtonte, Machado ndërmori një udhëtim të fshehtë.

E emocionuar, Machado u përshëndeti mbështetësve që ishin mbledhur përpara Grand Hotel në kryeqytetin norvegjez, u dërgoi puthje dhe këndoi së bashku me ta.

Të mërkurën herët në mëngjes, vajza e saj, Ana Corina Sosa, pranoi Çmimin Nobel për Paqen në emër të saj.

Instituti Nobel i dha Machado-s çmimin e sivjetmë për “luftën e saj për të siguruar një tranzicion të drejtë dhe paqësor nga diktatura në demokraci në Venezuelë”.

Machado nuk i ka parë fëmijët e saj prej gati dy vitesh, pasi i kishte larguar nga Venezuela për sigurinë e tyre.