Albania News Agency

Szijjarto shkroi në rrjetet sociale: “Nëse kishte ndonjë dyshim nëse në Bruksel është humbur plotësisht arsyeja e shëndoshë, fjalimi i djeshëm i Mark Rutte në Berlin duhet t’i ketë larguar ato dyshime”.

Duke theksuar se Rutte ka bërë një sërë deklaratash të papërgjegjshme, duke pretenduar se “ne” jemi objektivi i radhës i Rusisë, se Rusia mund të jetë gati të sulmojë NATO-n brenda pesë vjetësh dhe se siguria e Ukrainës është siguria jonë, Szijjarto tha:

“Sekretari i Përgjithshëm nuk ka bërë kurrë më parë pretendime të tilla. Ky kthesë e mprehtë tregon qartë se në Bruksel të gjithë janë rreshtuar kundër përpjekjeve për paqe të Donald Trump. Me këto deklarata, Mark Rutte realisht i ka dhënë një goditje pas shpine negociatave të paqes. Si anëtare e NATO-s, Hungaria i hedh poshtë kategorikisht këto pretendime. Siguria e vendeve evropiane garantohet jo nga Ukraina, por nga vetë NATO. Ukraina po lufton jo për sigurinë tonë, por për të sajën”.

Szijjarto i quajti këto deklarata nxitëse të papërgjegjshme dhe të rrezikshme dhe tha: “I bëjmë thirrje Mark Rutte që menjëherë të ndalojë përshkallëzimin e tensionit të luftës”.