Albania News Agency

Presidenti i Francës, Emmanuel Macron, publikoi një mesazh me rastin e vizitës zyrtare të Kryeministrit të Kanadasë, Mark Carney, në Saint-Pierre-et-Miquelon.

Në një postim në rrjetet sociale, Macron i dërgoi Carney-t një mesazh “mirë se erdhe” në Saint-Pierre-et-Miquelon. Duke e cilësuar vizitën si një moment historik, Macron tha se kjo ishte vizita e parë zyrtare e një kryeministri kanadez në këtë territor francez në Amerikën e Veriut.

Macron tha se miqësia mes Francës dhe Kanadasë është një forcë në një botë të përballur me kriza, duke theksuar se të dy vendet së bashku riafirmuan sovranitetin e tyre, lirinë e vendimmarrjes dhe vullnetin për të ndërtuar një të ardhme me paqe dhe mirëqenie.