Albania News Agency

Presidenti i Francës Emmanuel Macron theksoi rëndësinë e drejtësisë dhe së vërtetës në mesazhin e tij me rastin e përvjetorit të shpalljes së pafajësisë së kapitenit Alfred Dreyfus.

Macron kujtoi se më 12 korrik 1906 organi më i lartë gjyqësor i Francës shpalli zyrtarisht pafajësinë e Alfred Dreyfus, duke theksuar se pas një lufte shumëvjeçare dhe daljes në dritë të së vërtetës, drejtësia triumfoi.

Ai tha se trashëgimia e Dreyfus dhe e mbështetësve të tij nuk kufizohet vetëm me fatin e një njeriu, duke shtuar se një komb mund të përçahej për shkak të padrejtësisë ndaj një oficeri të zakonshëm, por falë vendosmërisë së njerëzve me vullnet të mirë u zgjodhën e vërteta dhe drejtësia.

Macron deklaroi se çdo 12 korrik në Francë do të kujtojë se drejtësia dhe e vërteta fituan mbi urrejtjen dhe gënjeshtrën, duke theksuar se këto vlera duhet të mbrohen dhe të ruhen çdo ditë.