Albania News Agency

Presidenti i Francës, Emmanuel Macron, priti Madhërinë e Tij, Sulltanin e Omanit Haitham bin Tariq, në kuadër të vizitës së tij të parë zyrtare në Francë.

Macron bëri të ditur se mes dy vendeve janë nënshkruar marrëveshje të reja bashkëpunimi në fushat ekonomike, shkencore, kulturore dhe industriale, duke theksuar se marrëdhëniet dypalëshe janë forcuar në një "nivel historik".

Gjatë takimeve u diskutua gjithashtu për uljen e tensioneve në Lindjen e Mesme dhe garantimin e stabilitetit rajonal.

Macron njoftoi se, në koordinim me vendet partnere, është marrë vendimi për të bashkëpunuar në operacionet e çminimit me qëllim rritjen e sigurisë së rrugëve detare dhe ruajtjen e lirisë së lundrimit në Ngushticën e Hormuzit.