Albania News Agency

Kryeministrja e Italisë, Giorgia Meloni, bëri një deklaratë lidhur me aksidentin ku u përfshi një helikopter italian i Forcës Paqeruajtëse të Bashkimit Evropian, EUFOR, në Bosnjë dhe Hercegovinë.

Meloni shprehu pikëllimin e saj për aksidentin dhe përcolli një mesazh mbështetjeje për familjarët e viktimave dhe personelin që shërben në misionin për garantimin e paqes dhe stabilitetit në rajon.

Në deklaratën e saj, kryeministrja italiane tha: “Mendimet e mia janë me ata që kanë humbur jetën, familjet e tyre dhe të gjithë ata që marrin pjesë në misionin për paqe dhe stabilitet në rajon, të cilët aktualisht po kalojnë orë plot shqetësim. U përcjell mbështetjen më të sinqertë, si në emrin tim personal, ashtu edhe në emër të qeverisë italiane.”